MENYWOD YN PERFFORMIO YNG NGWYL JAZZ ABERHONDDU 1985 - 2025

5ed o awst - 22ain o fedi 2026

Ar agor yn ddyddiol 9.00 – 17.00*

Mae arddangosfa Gŵyl eleni'n cynnwys 'cofrestr' o gerddorion benywaidd sydd wedi perfformio yng Ngŵyl Jazz Aberhonddu. Bellach mae'r ŵyl yn ei 43fed flwyddyn, a gwelir ffotograffiaeth ragorol o bob un o'r degawdau yn y 43 mlynedd honno, a chan ystod eang o ffotograffwyr yn cael eu cynrychioli. Mae hyn yn cynnwys portreadau eiconig gan seren ffotograffiaeth arbennig Aberhonddu, y ddiweddar Gena Davies a oedd yno o ddechrau cyntaf Gŵyl Jazz Aberhonddu yn 1984, ac oedd yn meddu ar ddawn eithriadol am ddal perfformiadau byw. Hefyd tynnir sylw at y cyswllt jazz rhwng Cymru a'r Iseldiroedd, a gwaith cynnar yn y 1950au a'r 1960au y ffotograffydd o'r Iseldiroedd Guusje de Zoete. Mae'i lens hi'n dal artistiaid chwedlonol ar lwyfannau gwyliau yn yr Iseldiroedd. Pleser yw cyflwyno detholiad o ffotograffau Guusje yn yr arddangosfa hon, ac am y tro cyntaf yng Nghymru, ble mae hi'n byw erbyn hyn.

Dan ofal a chefnogaeth elusen Brecon Jazz CIO mewn cydweithrediad â Thîm Gŵyl BJF2026 Clwb Jazz Aberhonddu, Treftadaeth Jazz Cymru a Theatr Brycheiniog.

*Nodwch os gwelwch yn dda na fydd modd cael mynediad i'r oriel ar 10_– 14 Awst tan 13.00 bob dydd.

Cysylltwch â Swyddfa Docynnau Theatr Brycheiniog i wirio amseroedd agor yn fanwl, am fod y lleoliad hwn weithiau'n cael ei ddefnyddio ar gyfer gweithgareddau â thocyn a llogi preifat.  

Brycheiniog Ddramatig: 3000 Mlynedd o Theatr yn Aberhonddu

 

Cyflwynir ein harddangosfa barhaol newydd sbon yn un o’r orielau ar Lefel 2. Mae’r arddangosfa hon yn dathlu arferion, cerddoriaeth, perfformio a straeon sy’n cysylltu ein cymuned, gan rychwantu bron i dair mil o flynyddoedd.

O straeon a cherddi a berfformid gan feirdd Cymraeg; eisteddfodau cynnar, actorion a deithiodd o Lundain i Aberhonddu i berfformio yma; a theatr gyntaf Aberhonddu a adeiladwyd yn bwrpasol: mae’r cyfan yno. Hefyd, mae’r gymuned theatr a pherfformio leol wedi creu arddangosfa fywiog syn cynrychioli’r sin fel y mae heddiw. Mae’r arddangosfa’n addas i bawb, o fabis i 99 oed (a hŷn!), croeso i bawb, ac rydyn ni’n meddwl y bydd pawb yn darganfod syrpreis ddiddorol.

Diolch i arian gan Gyngor Celfyddydau Cymru, Cronfa Ddatblygu Gynaliadwy Awdurdod Parc Cenedlaethol Bannau Brycheiniog ac Ymddiriedolaeth Elusennol Colwinston, mae’r arddangosfa barhaol hon yn rhannu sut y cafodd Aberhonddu’i threftadaeth theatrig gyfoethog ac amrywiol, a ddylanwadwyd gan amlddiwylliant.

Comisiynwyd pedwar artist cyfoes o dde Powys  gan Theatr Brycheiniog i greu pedwar darn o gelf weledol sy’n darlunio’r mathau o hel straeon theatrig y gallai pobl Brycheiniog fod wedi’i fwynhau cyn oes llyfrau.

Mae’r artistiaid hyn: Jamie Tobin, Laura Dennis, Ragna Reynisdottir a Zoe Spencer wedi gwneud ymchwil i’r Mabinogi, chwedlau lleol a mythau a chwedlau’r Silwriaid er mwyn creu gweithiau celf newydd a hardd. 

Wyddech chi?  
Fod yr actores enwog gyntaf, Sarah Siddons (nee Kemble) wedi’i geni yn Aberhonddu yn 1755!

Wyddech chi?  
Fod un o’r theatrau cyntaf y perfformiodd hi ynddi, yn dal i’w gweld ar y Watton yn Aberhonddu. 

Wyddech chi?  
Fod Theatr Fach Aberhonddu wedi bod wrth am ymron i gan mlynedd!  

Wyddech chi?  
Fod yr Eisteddfod gyntaf oll, a gynhaliwyd gan yr Arglwydd Rhys yng Nghastell Aberteifi, wedi’i ysbrydoli gan gystadlaethau barddoniaeth Normanaidd i ennill gwobrau. 

Wyddech chi?  
Fod grŵp o fenywod ysbrydolgar yn Aberhonddu yn y cyfnod Sioraidd fu’n rheoli, hyrwyddo, perfformio a noddi Theatr Aberhonddu.

Deilliodd yr ysbrydoliaeth ar gyfer yr arddangosfa hon o waith ymchwil i orffennol theatrig Aberhonddu a wnaed gan y ddiweddar leian Ursulinaidd, y Chwaer Bonaventure Kelleher. Gweithiodd hithau i gasglu tystiolaeth a anwybyddwyd yn aml gan ysgolorion academaidd, a bron â mynd yn angof yn lleol.
Mae’r gwaith manwl hwn wedi diogelu stori a fyddai wedi cael ei cholli am byth fel arall. Ar ôl iddi hi farw yn 2019, rhoddwyd rhyw ugain bocs o ymchwil i’r ymchwilydd Jayne Gold, a ymestynnodd y gwaith ar gyfer ei PhD, a ariannwyd gan Gymdeithas Brycheiniog a Chyfeillion yr Amgueddfa, mewn partneriaeth â Phrifysgol Bryste. Datgelodd Jayne a’r Chwaer Bonaventure sawl hanes cudd, a chyflwynir yr uchafbwyntiau yn yr arddangosfa hon.

Gyda help nifer o sefydliadau, grwpiau cymunedol, ysgolion a haneswyr ac ymchwilwyr lleol, rydyn ni wedi creu arddangosfa barhaol y byddwn ni’n parhau i ychwanegu ati. 

Diolch i: 
Theatr Fach Aberhonddu
Gŵyl Jazz Aberhonddu
Frazz Aberhonddu
Balchder Aberhonddu
Cymdeithas Ddrama Amatur y Westenders
Clybiau Ffermwyr Ifanc Brycheiniog
Gŵyl Faróc Aberhonddu
Impelo
Cerddoriaeth Ieuenctid De Powys
Theatr Ghostlight
Bale Gŵyl Aberhonddu
Academi Ddawns Canolbarth Cymru
Sin Gerddoriaeth Aberhonddu
The Muse Aberhonddu
Amgueddfa’r Llu Brenhinol Cymreig
Côr Alive and Kicking 
Côr Gŵyl Aberhonddu 
Côr Meibion Aberhonddu a’r Fro
Clwb Jazz Aberhonddu 
Ysgol Uwchradd Aberhonddu 
Ysgol y Bannau
Signe L Design
Asiantaeth The Muse 
Rhwydwaith Stori Aberhonddu
Cyngor Tref Aberhonddu
Mari Lwyd Aberhonddu
A nifer o unigolion a gyfrannodd o’i hamser, eu hegni, a rhoi mynediad i archifau personol a gwybodaeth hynod ddiddorol.
Cynlluniwyd yr arddangosfa i allu tyfu a newid.. Croesewir yn gynnes unrhyw sefydliadau ac unigolion nad ydyn nhw wedi cyfrannu at yr arddangosfa eto i wneud hynny’n llawen. Cysylltwch â’r Theatr drwy e-bostio info@brycheiniog.co.uk i gychwyn sgwrs.